492

Otuz üçüncü madde işbu faslın ahkâmı gerek esham-ı umumiye ve gerek
sair tahvilat ve senedat işlerine şamildir

* Altıncı Fasıl *

( Likidasyon yani kat'-ı hesab )

Otuz dördüncü madde esham-ı umumiye tahvilatı üzerine cereyan eden
muamelatın hesabı her on beş günde bir kere pazar ertesi günleri kat' olunur
tahvilat ve senedat-ı saire muamelatının kat'-ı hesabı ise ayda bir defa yani
her ayın ilk cuması vuku bulur

* Kısım-ı Evvel *

( Esham-ı umumiye üzerine cereyan eden muamelatın kat'-ı hesabı )

Otuz beşinci madde esham-ı umumiye tahvilatı fürûht eden her bir kimsenin
sattığı miktarı likidasyon günü teslim etmeğe hakkı olduğu misillü
her müşterinin dahi mübayaa eylediği miktarı kabz ve istifa etmeğe hakkı vardır
bu cihetle tahvilatı teslim yahud istifa etmek muradında bulunanlar keyfiyeti tahrîren
bildirmek lazım geleceğinden bunun içün yazacakları varakayı bir zarfa leff ile
üzerini temhîr edeceklerdir işbu zarfları umum içün tertib ve tehiye olunup
pazar ertesi günleri öğleden iki saat sonraya kadar bırakılacak olan
bir kutuya vaz' ve ilka edeceklerdir öğleden iki saat mürurunda mezkûr
kutu komiser yahud komiserin gaybubeti halinde borsanın kâtibi marifetiyle
kaldırılacaktır
Pazar ertesi günü sabahdan salı günü öğle vaktine kadar çifte miftah ile
kapanmış olduğu halde mahfuz duracaktır
miftahların biri komiserin ve diğeri komite reisi yedinde bulunacağından bunlar
müddet-i mezkûre inkızasında komite azası muacehesinde zarfların küşadına
şurû' ile mündericatını bir cedvele kayd eyleyerek borsada ta'lik edeceklerdir
Otuz altıncı madde mübadele-i senedat ile hesabı kat' olunmayan muamelat
ertesi likidasyona devr olunmak lazım gelir
İşbu ( Rapor ) yani devr muamelesinin şerâiti pazar ertesi sabahından
itibaren salı günü öğle vaktine kadar tarafeyn beyninde bi't-terâzî kararlaştırılıp

( Vakit )