494

Etmek hakkını zayi eder ve o vakitten tâ pençşenbe günü borsanın kapanmasından üç
saat evveline kadar ber-mûceb-i kayd müteahhid olduğu mikdardan ahz veyahut teslim etmediği
mikdar derecesinde medyun tarafından muamele-i icraiyeye mazhar olabilecektir.
İşbu muamele bâlâda tayin olunan mühletin inkızasına kadar icra olunmaz ise tarafeynin
hal ve mevkii bir suret-i mütekabile kesb etmiş olur.

Kırk İkinci Madde: Madde-i sâbıkada muharrer olan mühletin hitamında tarafeynden
biri taahhüdatını icraya kadir olmadığı halde hakkında muamele-i icraiyeye teşebbüs
olunur yani teslim veyahut ahz edemediği mikdar her ne ise kendü hesabına olarak
müddei vasıtasıyla borsada bil-müzayede füruht veyahut mübayaa olunur.

Kırk Üçüncü Madde: Çeharşenbe gününe kadar tahvilat talebi veyahut teklifi
hakkında deftere hiç bir şey kayd ettirmemiş bulunan azanın yevm-i mezkûrda
kuyûdât-ı mevcûde ba‘de’t-tedkik zuhur eden bakiyenin gerek kâmilen ve gerek
bir mikdarını icabına göre ahz veyahut teslim eylemek salahiyeti olacaktır.

* Kısım-ı Sâni *

( Esham-ı umumiyenin gayrı olan tahvilat ve senedat üzerine )

( Ceryan eden muamelatın kat‘-ı hesabı )

Kırk Dördüncü Madde: Otuz İkinci maddede beyan olunduğu veçhile esham-ı
umumiyenin gayrı olan tahvilat üzerine ceryan eden muamelatın hesabı
ayda bir kere yani her ayın ilk cuması kat‘ olunur.
Muamelat-ı mezkûrenin raporları yani devr muamelatı cuma günü sabahleyin
başlayıp cuma ertesi akşamı bulur.
Tahvilatın ahz ve teslimi pazar ertesi günü öğleden iki saat sonraya
kadar vuku bulacak ve andan sonra Kırk İkinci maddede beyan olunduğu üzere
muamelat-ı icraiyeye mübaşeret olunacaktır.

Kırk Beşinci Madde: Esham-ı umumiye tahvilatının kat‘-ı hesabı hakkında kısım-ı evvelde
muharrer olan şerait esham-ı mezkûrenin ahzı veyahut teslimi için kırkıncı
maddede tayin olunan mühlet müstesna olmak üzere sair bil-cümle tahvilatın kat‘-ı
hesabı hakkında mer’iyyü’l-icra olacak ve yalnız mühlet itasındaki hüküm
tahvilat-ı saireye şamil olmayacaktır.

( Kırk )