499

Te’ahhüdâtın tamâmı îfâsına zamân-ı kâfî olacak olan sermâyedârân taraflarından yolunda ve muntazam bir kıt’a vekâletnâme dahi takdîm etmesi lâzım gelecekdir.

Dördüncü Mâdde: Sermâyedârân ecânibden oldukları ve memâlik-i ecnebiyede mütemekkin bulundukları hâlde vekâletnâmelerine mahall-i ikâmetleri kangı devlet memâlikinde ise o devlet nezdinde bulunan saltanat-ı seniyye sefîri tarafından bir kıt’a şehâdetnâme lef olunacak ve işbu şehâdetnâme sermâyedârânın şerâit-i imtiyâziye istihsâliyle uhdelerine terettüb edecek te’ahhüdâtın îfâsına kudret-i mâliyeleri ile mes’ûl ve mütekeffil olduklarını musaddık olacakdır.

Beşinci Mâdde: Sâhib-i istid’â sâlifü’z-zikr usûl ve merâsimi îfâ etmediği hâlde imtiyâz istid’âsı ke-en lem yekün hükmünde add olunacakdır. Şerâit-i muharrereye tevfîkan vukû’bulacak taleb ve istid’âlar bir sûret-i âdiyede kabûl veyâhûd red olunmak üzere nezd-i devlet-i aliyyede nazar-ı tedkîk ve mütâla’aya alınacakdır.

Fî 14 Safer sene 1282 ve fî 26 Hazîran sene 1281