\* ٥٠٥ \*

etdirildigi derc ve tasrîh kılınacakdır ve mazbataların zahrine dahi metn
mazbatada merkûm şu kadar guruş rub‘ harc teslîm sandık kılınmışdır ibâresi
yazılarak ibâre-i mezkûrenin zîri evkâf muhâsebecisi ve sandık emîni
mühürleriyle mühürlenecekdir
Bi’l-umûm cihâtın harcları re’s-i livâda meclis idâre ma‘rifetiyle ahz olunmak
lâzım gelüp fakat kazâlarda uhdelerine cihet tevcîhi inhâ olunan
kimeselerden ba‘zıları bi’z-zât re’s-i livâya gelmedigi ve celbine dahi lüzûm
görünmedigi hâlde bu misillülerden alınması lâzım gelen rub‘ harc kazâlar meclis
idâresi ma‘rifetiyle ahz olunup cihât içün yapılan mazbatalar ile
berâber re’s-i livâya gönderilecekdir ve kazâlardan gönderilen işbu rub‘ harcın
mikdârı ta‘rife ahkâmına tevâfuk eyledigi meclis idâre-i livâdan tasdîk
olundukdan sonra teslîm sandık etdirilüp iktizâ eden ilm ü haberi mahallerine
irsâl kılınacakdır
Cihât içün sancak meclis idâreleri tarafından tanzîm olunan mazbatalar
Evkâf-ı Hümâyûn hazînesinde cihât kalemine ve icâbı hâlinde vâridât kalemine ve mahkeme-i
teftîşine havâle olunarak bunların muvâfık-ı nizâm ve kuyûd oldığı tasdîk
idildigi hâlde iktizâ eden berâtları hemân bi’t-tastîr mahallerine gönderildikde
muvakkat sûretiyle mukaddemâ bir rub‘ı alınmış olan harcın bakiyesi ya‘ni üç rub‘ı
ve berâtı zeylinde münderic varaka bahâsı dahi ahz ve istihsâl olundukdan sonra işbu
berâtlar ashâbına teslîm kılınacakdır
Ve bunlardan şâyed bakiye-i harcı virmekden istinkâf eden bulunur ise bu misillülerin
uhdelerine tevcîh olunan cihetin vâridâtından bakiye-i harc istîfâ olununcaya
degin berâtı kendüsüne verilmeyerek ol cihetin vâridâtı evkâf muhâsebecileri
tarafından zabt idilecekdir
Ashâb-ı cihâtdan biri bi’z-zât veyâhud vekîli Dersaâdet’de bulunup da berâtı
tanzîm olunan cihetin bakiye-i harcını hazîneye teslîm eder ise doğrudan
doğruya mahalline gönderilmeyerek kendüsüne verilmesi câ’iz olup fakat mahallince alınan
rub‘ harcın îrâd kaydıyla mu‘âmele-i muktaziye’si icrâ kılınmak üzere hazînece
mahalline ma‘lûmât verilecekdir

33