509

Madde-i sâbıkada beyan olunduğu vechle hükkâm tarafından i'lâm verilmesi lâzım gelen cihetlerin harc-ı i'lâmı işbu ta'rifede mikdarları ta'yin kılınan harcların dâhilinde olmasıyla mâliye hazînesi hesâbına olarak başkaca i'lâm harcı alınmak îcâb etmeyip fakat mahkeme-i şer'iye me'mûrlarına âid olmak üzere uhdesine bi'l-i'lâm cihet tevcîhi inhâ olunan kimseden yalnız ol cihet içün ber-mûcib-i ta'rife alınması lâzım gelen harcın nihâyet yüzde beş nisbetinde kalemiye nâmıyla bir meblağ alınıp mahkeme me'mûrlarına i'tâ kılınacaktır. Meselâ ta'rife mûcibince yüz gurûş harc alınması îcâb eden bir cihet içün nihâyet beş gurûş kalemiye alınacaktır.

Ashâbının vefâtıyla mahlûlünden veyâhud kasr-ı yedinden veyâ ref'inden veyâ müceddeden ber-mûcib-i nizâm tevcîhi inhâ olunan cihetlerin bi'l-umûm harcları nesk-i vâhid üzere alınacaktır.

Fî 9 Rebî'ül-âhir sene 1290

( Evkâf nizâmnâmesinin kırk sekizinci maddesinin makâmına kâim )
( Olmak üzere kaleme alınan fıkra-i nizâmiyedir ) [*]

Evkâf muhâsebecilerinin ânifen beyan ve ta'dâd olunan vâridâtdan almağa me'zûn oldukları humus-ı hâsılât bi-irâde-i seniye hazîne-i evkâfa âid tutulup mukâbilinde her mahallin îcâbına göre ma'âşlar tahsîs olunduğu gibi arâzi-i mevkûfe hâsılâtından yüzde on ve hâsılât-ı vakfiye-i sâireden yüzde beş

[*] Hükmü münfesih madde ikinci cildin yüz altmış altıncı sahîfesinde mündericdir