526

Kaide ve usulüne tatbikan icabına bakılmak üzere Başjurnal Daire-i Emanetine gönderilecektir.

Otuz üçüncü madde: Bilcümle aşçı dükkânlarında taam tabh olunan tencere ve sair kaplar daima muayene olunarak içlerinde kalaysız tencere ve sahan olduğu görülür ise bu kâra mücasir olanlar derhal ve başjurnal Şehremanetine gönderilecektir.

Fi selh-i Cemaziyelevvel sene 1289 ve fi 24 Temmuz sene 1288

(Şehremaneti Çavuşları Hakkında Nizamnamedir)

Birinci madde: Şehremaneti hizmetinde on nefer komiser ile yüz nefer çavuş bulunup işbu çavuşların her on neferi bir komiser kumandasında tutularak bir komiser ve on çavuş bir takım itibar olunacaktır.

İkinci madde: Bab-ı Âlîden istizan olunmadıkça işbu komiser ve çavuşların mikdarı tezyid ve tenkis olunmayacaktır.

Üçüncü madde: Bu sınıfa kayd olunacak olanlar okuyup yazmağa aşina ve illetden salim ve tâmmü'l-a'zâ olacak ve askerden muhrec olanların selamet-i ahvalini yedlerinde ki tezkereler müşir olmağla askerden muhrec olmayanların bir gûna cünha ve cinayetle mayub ve müttehem olmadığını havi mevsuk bir mahalden yedinde bir şahadetname bulunacaktır ve evsafca müsavi olduğu halde silk-i askeriden muhrec olanlar diğerlerine tercih kılınacaktır.

Dördüncü madde: Bir komiserlik münhal oldukda açıktan komiser kabûlü caiz olmayıp mevcud olan çavuşların içinden bi'l-imtihan okuyup yazmakda ve talimat ve nizamname ahkamına vukûfda el-ziyade ehliyetlisi intihab olunur ve ehliyetde müsavi bulunanlardan kıdem ve hüsn-i sülûk sahibi olan tercih kılınır ve intihab mazbatası yapılarak meclis-i imtihan ve intihabda mevcud bulunan komiserler ile muhasebe mümeyyizi tarafından temhir olunarak Şehremaneti

(Meclisine)