538

Tekaüdleri ve vefat edenlerin eytâm ve erâmiline maaş tahsisi keyfiyetleri aynile asâkir-i nizamiye ümerâ ve zâbitânı misillü tekaüd kânunnâme-i hümâyûnu ahkâmına tevfîkan icra olunacaktır.

On altıncı bend: Mülkiye şâkirdânından nihayet imtihanlarını vererek şehâdetnâme alanlar dahi bir sene ameliyat hastahanesinde bulundurulup ve bu müddet zarfında kendilerine mektepçe işbu mekteb şâkirdânının umum masârifi meyânına idhâlen mülâzım-ı sânîlik maaş ve tâyinâtı verilip ameliyat imtihanları dahi bi’l-icra cânib-i Bâb-ı Âlî’den vilâyatça iktiza eden mahallere gönderilecek ve bundan sonra kendilerinin vilâyatça suret-i istihdamlariyle keyfiyet-i tavzif ve tefvizleri hakkında Bâb-ı Âlî’ce verilecek karara göre yine oraca icâb-ı hâl icra olunacaktır.

On yedinci bend: İşbu nizâmnâme ahkâmı bu suretle mekteb-i tıbbiyede tahsil-i fen ederek bi’l-imtihan şehâdetnâme almış baytarlar ile mukaddemâ mekteb-i harbiyede tahsil-i fenn-i baytarî eyliyerek kezâlik bâ-şehâdetnâme çıkmış olan baytarlar haklarında câri olup bi’l-icab hariçden tedarik olunan yani mektebden neşet etmeyen baytarlara asla şâmil olmayacaktır.

Fî 12 Cemâziyelevvel sene 290 ve fî 4 Temmuz sene 289

(Memâlik)