554

On üçüncü bend: Muhtâcîn-i eytâm-ı ilmiye sandığı eytâm sandıkları misillü bedestân-ı atîkda hıfz olunup hâliye ve kırtâsiye misillü masârifât-ı zarûriyesi meclisin tensîbiyle hâsıl olacak nemâsından virilecekdir.

On dördüncü bend: Sandığın sermâyesi emvâl-i eytâm misillü hazîne-i celîle-i mâliyeye mübâdele-i ikrâz veyâhud konsolideye tebdîl ile hıfz idilecegi misillü eytâm ve erâmil-i ilmiyece virilecek maâşlar dahi istikrâz-ı hazîne fâizlerinin itâ olundığı yolda makbûz senedi makâmında ayrıca defter tutulup beher mâh ashâb-ı maâş taraflarından temhîr itdirilerek virilecekdir.

On beşinci bend: Tecârib ve telâhak-ı efkâr ile ba'd-ezîn işbu nizâmnâmeye derci lâzım gelen mevâddın dahi ilâvesi câiz olacakdır.

Fî 21 Şa'bân sene 291

--------------------------------------------------

( Telgraf ve posta me'mûrîn ve ketebe ve hademesinden tekâüde şâyeste bulanların )
( derece-i istihkâklarına ve bunların eytâm ve erâmilinin mertebe-i ihtiyâclarına göre )
( tahsîs kılınacak maâşlar ile buña karşılık tutulacak mebâliğin idâre-i )
( mahsûsasına ve bu bâbda lâzım gelen muâmelâta dâir nizâmnâmedir )

Fasl-ı Evvel

( Mütekâidîne tahsîs kılınacak maâşlara dâirder )

Birinci mâdde: Umûmen telgraf me'mûrîn ve ketebe ve hademesinin tekâüde istihkâkı yigirmi beş sene mütevâliyen hizmet veyâhud îfâ-yı hizmet idemeyecek sûretde ma'lûliyete meşrût olduğu gibi bunlara tahsîs kılınacak tekâüd maâşları dahi mertebe-i ûlâ ve sâniye i'tibâriyle iki mertebeye münkassimdir. Mertebe-i ûlâ maâşı hizmet ve me'mûriyet maâşının üç rub'ı ve mertebe-i sâniye maâşı hizmet maâşının nısfıdır. Ma'lûliyetin derece-i illetlerine göre ta'yîn olunacak maâşlar dördüncü bendde tevfîk olunacakdır.

İkinci mâdde: Yigirmi beş sene mütemâdiyen îfâ-yı hizmet ve me'mûriyet idenler hizmet maâşlarının nısfıyle tekâüde kesb-i istihkâk edecekleri misillü müddet-i hizmetleri tâm otuz sene ve dahâ ziyâdeye resîde olanların mertebe-i ûlâ ya'nî üç rub' maâşlarıyle

( Tekâüdleri )