56

١٠٥٣ ماده infak malı harc ve sarf etmektir

١٠٥٤ ماده Nafaka havayice ve taayyuşa sarf olunacak akçe ve zad ve zahire makulesidir

١٠٥٥ ماده Takabbül bir işi taahhüd ve iltizam etmektir

١٠٥٦ ماده Mufavızîn akd-i şirket-i mufavaza edenlerdir

١٠٥٧ ماده Ra’sülmal sermaye demektir

١٠٥٨ ماده Ribh faide ve kâr demektir

١٠٥٩ ماده İbda’ bir kimsenin kârı tamamıyla kendisine aid olmak üzere diğer kimesneye sermaye vermesidir ki sermayeye bidaa ve veren kimseye mubdi’ ve alan kimesneye müstebda’ denilir

باب اول

( Şirket-i mülk beyanında olup üç faslı müştemildir )

فصل اول

( Şirket-i mülkün tarif ve taksimi beyanındadır )

١٠٦٠ ماده Şirket-i mülk esbab-ı temellükden olan iştira ve itihab ve kabul-i vasiyet ve tevarüs gibi bir sebeple yahut halt ve ihtilat-ı emval ile yani malları yekdiğere kabil-i temyiz ve tefrik olmayacak surette karıştırmak veyahut mallar ol surette yekdiğere karışmak ile bir şeyin birden ziyade kimseler beyninde müşterek yani ol şeyin anlara mahsus olmasıdır

Mesela iki kimse bir malı iştira yahut biri anlara hibe ya vasiyet edip de anlar dahi kabul etse veyahut bir mal iki kişiye mevrus olsa ol mal anların beyninde müşterek olur ve anlar ol malda hissedar ve müteşarik ve her biri anda diğerine müşarik olurlar

Kezalik iki kimesne zahirelerini biribirine karışdırsa yahut çuvalları delinmek gibi bir vechile ikisinin zahireleri biribirine karışsa işbu mahlut ya muhtelit zahire ikisi beyninde mal-ı müşterek olur

١٠٦١ ماده Bir kimsenin bir altını diğerin ol cinsden olan iki altınile karışıp da temyizi kabil olmadığı halde ikisi zayi olsa

(kalan)