79

Evvel konağın bir kıt’asında ve diğerinin menfaati diğer kıt’asında cem’ edilmiş
olur.
Binaenaleyh mekânen muhayeede zikr ve tayin-i müddet lâzım değildir.
1180 Madde Zamanen muhayeede bidayet için yani hissedarlardan hangisi
evvel intifa etmek için kur’a çekildiği gibi mekânen muhayeede dahi kur’a ile
tayin-i mahal olunmalıdır.
1181 Madde Müşterek ve müteaddid şeylerin sahiblerinden biri muhayee isteyip de
diğeri imtina ettikde eğer o ayn-ı müşterekler müttefikü’l-menfaa iseler muhayeeye
cebr olunur.
Ve eğer muhtelifü’l-menfaa iseler cebr olunmaz.
Meselâ iki müşterek haneden birinde biri ve diğerinde diğeri sakin olmak ve iki
müşterek hayvandan birini biri ve diğerini diğeri kullanmak üzere biri muhayee
isteyip de diğeri imtina eylese muhayeeye cebr olunur.
Amma biri hanede sakin olup da diğeri hamamı icar eylemek yahud biri hanede
sakin olup da diğeri araziyi ziraat etmek üzere bi’t-terazi muhayee
caiz ise de biri imtina etse muhayeeye cebr olunmaz.
1182 Madde Kabil-i kısmet olan mal-ı müşterek sahiblerinden biri kısmet
ve diğeri muhayee istese kısmet iddiası kabul kılınır.
Ve hiç birisi kısmet talebinde olmadığı halde biri muhayee isteyip de diğeri
imtina eylese muhayeeye cebr olunur.
1183 Madde Kabil-i kısmet olmayan bir ayn-ı müşterek sahiblerinden biri muhayee
isteyip de diğeri imtina eylese muhayeeye cebr olunur.
1184 Madde Sefine ve değirmen ve kahvehane ve han ve hamam gibi umumun ücretle
müntefi olduğu akarat-ı müştereke ehline icar ile ücreti hissedarlar beyninde
hisselerine göre taksim olunur.
Ve eğer hissedarlardan biri hissesini icardan imtina ederse muhayeeye cebr
olunur fakat birinin nöbetinde gallesi yani kirası ziyade olursa ol ziyade
hissedarlar beyninde taksim olunur.
1185 Madde Hissedarlardan her biri zamanen muhayeeden sonra kendi