99

yumurtaları ve yavrıları kendisinin olur

1305 madde Bir kimsenin bahçesinde mekân ittihaz eden arıların yaptığı bal ol bahçenin menâfi‘inden ma‘dud olarak ol kimsenin malıdır kimse ana taarruz edemez
yalnız beytü’l-mâle öşrini vermesi lâzım gelir

1306 madde Bir kimsenin kovanında müctemi‘ bulunan arılar mal-ı muhrez addolunur bunların balı dahi ol kimsenin malıdır

1307 madde Birinin kovanından çıkan oğul arısı diğerin hanesine konsa hane sahibi ahz eylese kovan sahibi anı istirdad edebilir

Bab-ı Hâmis

( Nafakat-ı müştereke beyanında olup iki faslı hâvidir )

Fasl-ı Evvel

( Emvâl-i müşterekenin tamiratı ve diğer ba‘zı masârifâtı beyanındadır )

1308 madde Bir mülk-i müşterek ta‘mir ve termime muhtaç oldukda sahibleri hisselerine göre bi’l-iştirak ta‘mir ederler

1309 madde Hissedarlardan biri diğerinin izniyle kendi malından kadr-i ma‘ruf para sarf ederek mülk-i müştereki ta‘mir etse müşârikine hissesiyle rücu‘ eder
ya‘ni masrafdan müşârikinin hissesine her ne isabet ederse anı andan alır

1310 madde Muhtaç-ı ta‘mir olan mülk-i müşterekin sahiblerinden biri gâib olup da diğeri anı ta‘mir etmek istedikde hâkimden izin alır
ve hâkimin izni gâib olan hissedarın izni makamına kâim olur
ya‘ni hazır olan hissedar izn-i hâkimle ol mülk-i müştereki ta‘mir etdikde gâib olan müşârikinden izin almış hükmünde olarak masrafdan hissesiyle ana rücu‘ eder

1311 madde Bir kimse müşârikinden ve hâkimden istîzân etmeksizin mülk-i müştereki hod-be-hod ta‘mir eylese müteberri‘ olur